Phatnalate 93

Paite Bible

Tangtawn Toupa’ Vaihawmna

93 TANGTAWN Toupa’n vai

hawm a,

thupina zahtakhuaina silh hi.

Tangtawn Toupa’n thupina

Zahtakhuaina silh taktak a,

hatna-a kithuam lai hi.

Leitung khuavannuai kiptaka

a lamkhiak hi a,

kiliing lou ding hi.

² Na kumpitutphah tanglai pek apan

hihkipsa hi a,

nang zaw tangtawn tangtawna

omsa na hi.

³ Tangtawn Toupa aw,

tuite khangtou a,

tuikhangliante ging honhon a,

ahi, tuipi tuihualte

kivawksang hi.

⁴ Vansanga Tangtawn Toupa

vanglianpen a, tui tampi

ging sanga thupi zaw hi.

⁵ Ka theihpihna thute kip a,

Tangtawn Toupa aw, na inn

zepna siangthou hi a,

tua bang hi tawntung hi.