Phatnalate 12

Paite Bible

Toupa’ Thu Siang

Lapulian ading. Pekging Guigiat neia Sak. David’ Phatnala.

12 TANGTAWN Toupa aw, hon huh in,

Pathian limsakte om nawnlou hi,

mihing tate lak apan

a muanhuaite beibei hi.

² Michih in a innveng kianga

zuauthu

gen a, maitangphat leh lungsim

thuah neipi-a thu gengen hi.

³ Tangtawn Toupa aw,

maitangphatna

thu gengente satkhia in!

Kisatheitaka thu lianpipi gen

leite attan in!

⁴ Amaute’n: Leia vualzou ding ung a,

ka mukte uh koua hi a,

koute tunga thunei kua ahia?

chi uhi.

⁵ A zawng gentheite hihsia uh a,

genthei tasamte mau uhi.

Tua hanga, Tangtawn Toupa’n:

Dingkhe ding ing a,

a lunggulh bitna muna

amaute koih ding hi’ng,

chi hi.

⁶ Tangtawn Toupa’ thute zaw

siangthou a, belleia kibawl

haltuina meia sagihvei

halsiangsa ngun banga siang hi.

⁷ Tangtawn Toupa aw, tasamte

kem inla,

hiai khang apan amaute

humbit gige in.

⁸ Mi diktatloute vialvak vak uh a,

mihing tate laka thil gilou

pahtawia om hi.