Pemkhiakna 28:6-14

Paite Bible

Siampi Puanakzem^(A)

⁶ Siampi puanakzem dingin, kham khau leh khau dum, khau sandup leh khau sanau ziza khau zangngat khuk khutsiamtaka gat a zang ding uh ahi. ⁷ A liangzanga kaihtuah nadingin, a nunglam leh a malam pang ah khihna nih a om ding ahi. ⁸ Siampi puanakzem gakna, puanduang kawnggak, kham khau tawh, khau dum, khau sandup leh khau sanau khutsiamtaka gat puanmalngatin a bawl ding uh ahi.

⁹ Tua baan ah, oniks suang manpha nih na la ding a, a tung ah Israel’ tapate’ min, a khuakin na gelh ding a, ¹⁰ tua suang manpha khat ah min guk, suang manpha dang khat ah min guk mah, a upat dan ua kizomin na gelh ding hi. ¹¹ Suainamna zungbuh khuaka kigelh bangin, suang manpha khuaka gelhsiamte’ gelh, tua suang manpha nihte ah, Israel’ tapate’ min na gelh ding a, tua suang manphate kham sik khuak sunga phum ahi ding ahi. ¹² Israel’ tapate theih gigena hi dingin, tua suang nihte, siampi puanakzem liangzang kaihtuahna ah na suang ding ahi. Tua bangin Aron in, Tangtawn Toupa’ mai ah a minte uh theih gigena hi dingin, a liangzang ah a paw ding ahi. ¹³ Tua baan ah, suang manphate phum nading khamsik phanthawh nih na bawl ding a, ¹⁴ kham sik siang mahin, khainiang phek nih na bawl ding a, tua suang manphate phumna kham sikte ah na khih ding ahi.