1 Samuel 25:14-19

Ang Biblia (1978)

¹⁴ Nguni't isinaysay ng isa sa mga bataan kay Abigail, na asawa ni Nabal, na sinasabi, Narito, si David ay nagsugo ng mga sugo mula sa ilang upang ^(A)bumati sa ating panginoon; at kaniyang tinanggihan.

¹⁵ Nguni't ang mga lalake ay napakabuti sa amin, at hindi kami sinaktan, o nagkulang man ng anomang bagay habang kami ay nakikisama sa kanila, nang kami ay nasa mga parang:

^16 (B)Sila'y naging kuta sa amin sa gabi at gayon din sa araw buong panahong aming ikinaroon sa kanila sa pagaalaga ng mga tupa.

¹⁷ Ngayon nga'y iyong alamin at dilidilihin kung ano ang iyong gagawin; sapagka't ang kasamaan ay ipinasiya na laban sa ating panginoon, at laban sa kaniyang buong sangbahayan: sapagka't siya'y isang ^(C)hamak na tao, na sinoma'y hindi makapakiusap sa kaniya.

Ang pamamagitan ni Abigail. Si David ay nasiyahan.

¹⁸ Nang magkagayo'y nagmadali si Abigail, at kumuha ng ^(D)dalawang daang tinapay, at dalawang balat ng alak, at limang handang tupa, at limang takal ng trigo na sinangag, at isang daang kumpol ^(E)na pasas, at dalawang daang binilong igos, at ipinagpapasan sa mga asno.

¹⁹ At sinabi niya sa kaniyang mga bataan, Magpauna kayo sa akin; narito ako'y susunod sa inyo. Nguni't hindi niya isinaysay sa kaniyang asawang kay Nabal.